Теміржол көлігі қызметкерлері күні қарсаңында "Қазақстан темір жолы" ҰК" АҚ әкімшілік ғимаратының LED-экранында "Батырлар біздің арамызда" бейнеролигі ұсынылды. Онда сыни және стандартты емес жағдайларда өзін көрсеткен 30 теміржолшы туралы айтылады. Бұл жұмысшылар тасымалдау процесінде ауыр зардаптарға әкелуі мүмкін оқиғалардың алдын алу арқылы жоғары кәсіпқойлықты, жауапкершілікті және тәртіпті көрсетті.
Бейнероликте жедел ден қою, біліктілік және берілгендік арқылы төтенше жағдайлардың, авариялардың, өрттердің, апаттардың алдын алған, жолаушыларға алғашқы медициналық көмек көрсеткен, техникалық ақауларды уақытында анықтаған, су тасқыны қаупін жойған және тіпті жолда босануға көмектескен қызметкерлердің нақты оқиғалары көрсетілген. Олар нағыз батырлар біздің арамызда жұмыс орындарында екенін дәлелдеді, күнделікті теміржол саласының үздіксіз жұмысын қамтамасыз етті.
Олардың ішінде - Астана вагон пайдалану депосының вагондар ТҚП бастығы Едіге Маханов, ол жүк вагоны арбасындағы жарықшақты анықтап, ықтимал жолдан шығып кетудің алдын алды. Пресногорьковская станциясының вагон тексеруші-жөндеушісі Николай Твердохлеб осындай ақауды уақтылы анықтады. Жамбыл бөлімшесінің электровоз машинисі Марат Абызов жедел және дұрыс әрекет етті, соның арқасында жолаушылар пойызының өткелдегі трактормен соқтығысуы болған жоқ. Отар станциясының сигнал берушісі Батырхан Атамырза жолда вагонның ақаулығын байқап, пойыздың шұғыл тоқтауын қамтамасыз етті.
Алматы бөлімшесінің машинист-нұсқаушысы Амангелді Шалабаев доңғалақ жұбы бандажының жарықшағын тауып, жолдан шығып кету болған жоқ. Маңғыстау бөлімшесінің тепловоз машинисі Иса Махамбетов қауіпсіздік техникасының бұзылғанын көріп, вагондардың қозғалысын тоқтатты. Қызылорда бөлімшесі станциясының парк бойынша кезекшісі Жандос Жұмағазы цистернадан газдың ағып кетуін анықтап, апатты жағдайдың алдын алды. Ақтөбе бөлімшесінің станциясы бойынша кезекші Әсия Ілиясова түтін шыққаны туралы жедел хабарлады, соның арқасында ғимараттың өртенуі болған жоқ. Қостанай бөлімшесінің тепловоз машинисі Абай Ибраев шұғыл тежеуді қолданды және қауіпсіздікті бұзудың алдын алды.
Ақтөбе белгі беру және байланыс дистанциясының электромеханигі Сапарғали Құрбанов рельстің сынғанын анықтады, соның салдарынан апат болуы мүмкін еді. Достық жол дистанциясының жол шебері Сейітжан Қасенов доңғалақ жұбының ақаулығын анықтады. Шымкент жол дистанциясының жол шебері Жақсыбек Шәріпов бағыттамалы бұрманың ақауын уақытында анықтады. Алтынкөл жолының монтері Бақтияр Жомартов рельсті бунақтың сынуын анықтап, апатқа жол бермеді. "Экспресс" филиалы жолаушылар вагонының жолсерігі Алтынай Ғафиуллина жолаушының босануы кезінде көмек көрсетті. Сол филиалдың жолсерігі Қуатбек Дауылбаев тоғыз жасар балаға алғашқы медициналық көмек көрсетіп, оның өмірін сақтап қалды.
Компания күнделікті теміржол көлігінің қауіпсіздігі мен үздіксіз жұмысын қамтамасыз ететін, батылдық, жанқиярлық пен мамандыққа адалдықты көрсететін қызметкерлерімен мақтанады.